Ligtas na kanlungan para kay Marcos
“Dito, may ligtas kang masisilungan, isang tuluyan kung saan puwede kang makadama ng kapanatagan kasama ng pamilya mo, at kung saan pansamantala ninyong malilimutan ang ospital.”
Noong 14 na taong gulang pa lang si Marcos, natuklasan ng mga doktor sa Spain ang siyam na sentimetrong tumor sa kanyang balakang na halos kasinglaki ng isang malaking grapefruit. Nang ma-diagnose na may Ewing’s sarcoma, isang uri ng cancer sa buto na karaniwang tumatama sa mga batang edad sampu hanggang 20, tuluyang nagbago ang buhay ni Marcos. Sa sumunod na tatlong taon, madalas bumiyahe sina Marcos at ang kanyang ina na si Maria papuntang Madrid para matanggap ni Marcos ang angkop na gamutan at pangangalagang medikal. Naging bahagi na ng araw-araw nilang buhay ang pagpunta sa mga doktor, chemotherapy, radiotherapy, at hindi mabilang na mga pagsusuring medikal. Tatlong oras ang layo ng tirahan nila sa Burgos, kung saan kasama nila ang asawa ni Maria at ang anak nilang babae. Napakalayo nito para sa isang batang may bihira at agresibong uri ng cancer. “Sa Ewing's sarcoma, kahit bahagyang nilagnat ang bata, kailangan siyang ma-admit agad sa ospital dahil sobrang nakamamatay ang sakit na ito,” sabi ni Maria. Sa unang taon ng gamutan, minsan lang pinayagang makauwi sina Marcos at Maria—noong Mayo, para sa kaarawan ng asawa ni Maria.
Nakahanap ng komunidad sa MadridHabang nasa Madrid at hindi pa naka-confine sa ospital sa mga unang araw ng gamutan, nakatagpo sina Marcos at Maria ng suporta at koneksyon sa iba pang pamilya at batang sumasailalim din sa gamutan sa pamamagitan ng Ronald McDonald House. “Maganda rito dahil kasama mo ang mga taong talagang nakakaunawa sa pinagdadaanan mo,” sabi ni Maria. “Dahil kasama mo ang mga pamilyang pinagdadaanan din ang katulad ng pinagdadaanan mo, kahit magkaiba pa ang uri ng cancer.” Bagama't naging napakahalaga ng diwa ng komunidad na iyon para kina Maria at Marcos, dumating ang panahong kinailangan nilang lumipat ng ibang matutuluyan alang-alang sa kalusugan ng isip ni Marcos. Nagsimula silang mag-book ng mga matutuluyan sa Airbnb. Noong una, si Maria mismo ang nagbabayad para sa mga ito, at lalo nitong pinabigat ang limitado na niyang pananalapi—hanggang sa iniugnay siya ng Aladina Fundación sa Airbnb.org.
Higit pa sa gamot, ang ginhawa ng tahananNakikipagtulungan ang Airbnb.org sa mga organisasyong gaya ng Aladina Fundación sa Spain para makapagbigay ng libreng panandaliang matutuluyan sa mga pamilya at indibidwal na bumibiyahe nang malayo mula sa tahanan nila para makatanggap ng pangangalagang medikal. “Anak ko ang nagbibigay sa akin ng lakas, ” sabi ni Maria tungkol sa anak niya. “Sa kabila ng napakaraming pagbalik ng sakit at mga taon ng pagharap sa matinding pagsubok, naging inspirasyon ko ang anak ko.”Nagiging posible ang mga pamamalaging tulad nito dahil sa suporta ng mga donor ng Airbnb.org, na tumutulong sa mga magulang na tulad ni Maria at nagbibigay ng pakiramdam ng normal na pamumuhay at kaginhawaan sa mga pasyenteng tulad ni Marcos.
“Ang pagkakaroon ng lugar na matutuluyan, lugar kung saan mararamdaman mong parang nasa bahay ka, lugar kung saan puwede kang magrelaks, at lugar na napakalapit sa ospital. Walang katumbas ang lahat ng iyon.”
Higit sa lahat, pinahahalagahan ni Marcos ang kapayapaan at katahimikang natatamasa niya sa isang tuluyan sa Airbnb.org.Sa sarili niyang mga salita, ang pamamalagi sa Airbnb.org ay “ang pinakamalapit na maituturing na tahanan.”
Makibahagi
Sumali sa pandaigdigang komunidad ng mga taong nagbibigay ng pang-emergency na matutuluyan sa oras ng sakuna.
Matuto paMay kuwento ang bawat pamamalagi
Kilalanin ang mga taong naapektuhan ng mga sakuna at ang mga taong tumulong.
